Bheed!

Muhj jaise saikdo insaano se bani hai Bheed,

Roz mara ki Zindagi main aage nikalti hui Bheed.

Issi Bheed main kahin koi tanha bhi hai?

Hazaron ki tadaat main koi akela bhi hai.

Apni ek alag pehchan banaane ki chaah lekar,

Kitne chehron main sapne dikhaati hui bheed.

Na jaane kis aur chali jaati hai yeh Bheed,

Saadiyon se na miti hai Insaano ki yeh bheed.

Issi Bheed main kahin hasi Bhi goonjti hai,

Vahi Hasi phir behne ka raasta bhi dhoondti hai,

Kahin aakhon main hai sawal, kahin maathe pe hai shikhan,

Aur kahin door jhalkta, ek pyara sa bachpan

Kabhie kabhie ya Bheed ek saath chalti hai,

Isi main kho jaane ko mann karta hai.

Kabhie ek dusre ke khilaf bhi aag si ugalti hai.

Is baat se tanha yeh dil darta hai.

Aayega Ek Din Jab yaad karunga main kabhie,

Ke isi bheed se darta tha main kabhie,

“Par ab mujhe na dar hai kahin kisi Bheed se,

Kyunki mujhe jaise hi chere dikthi hai har Bheed main.”